6 Sekrete per te fuqizuar mëndjen dhe transformuar jetën tënde

Ne të gjithë duam të përmisohemi, të rritemi, të zhvillohemi. Përgjatë gjithë kohës ne po kërkojmë, por pyetja është a po kërkojmë në vendin e duhur? Le ta nisim me subkoshiencës, por për ata që pyesin se çfarë është subkoshienca, le të shpjegojmë se subkoshienca është një pjesë e mendjes, ka dhe një mendje tjetër që quhet koshiente. Ne duhet të jemi në gjendje të bëjmë dallimin mes mendjes koshiente dhe subkoshiente, të kuptojmë fuqinë e subkoshiencës. Ne të gjithë kemi ëndrrat dhe qëllimet tona, por duhet ta fillojmë me rradhë. Para se të shkojmë tek “kam” duhet t’i bëjmë një pyetje vetes: Kush jam unë? Çështja është që ti duhet të bësh diçka, për të kaluar tek ‘të kesh’. Mendja është e ndarë në dy pjesë, 90 përqind është tek subkoshienca dhe vetëm 10 përqind është koshiente. E vërteta është që ne sot jemi ata çfarë i kemi futur subkoshiencës sonë. Edhe kur mendojmë se ne po përdorim 10 përqindshin e koshiencës, në fakt ne po përdorim edhe subkoshiencën. Por si mund ta përdorim këtë fuqi dhe si të kemi kujdes që kjo fuqi e subkoshiencës të mos të na shkatërrojë? Çfarëdo informacioni që i fusim subkoshiencës ajo e merr të mirëqenë. Pra nëse njerëzit ju thonë non-stop të njëjtën gjë, subkoshienca do ta marrë parasysh atë. Si ta bëjmë më të thjeshtë? Nëse kemi ushqyer veten me të njëjtën ide, keni punuar fort, por prapë nuk jeni aty ku do të donit. Dikush iu ka sfiduar më shumë, iu ka nxitur për më shumë, pra do të thotë të kapërceni mëndësinë tuaj, të kapërceni informacionin që është ruajtur në subkoshiencën tuaj. Dëgjojmë shpesh bota e brendshme, por nëse nuk të pëlqen bota e jashtme, edhe bota e brendshme do të “vuaj”. Duhet të ndryshojë mendimi që ushqen subkoshiencën, çështja është sa i madh është besim se ti do të ndryshosh jetën tënde.

A keni pasur ndonjëherë një moment në jetën tuaj që keni qenë në një zonë të errët. Kjo është ajo që i shqetëson njerëzit dhe i ndrydh aq shumë përbrënda. Pyetja këtu nuk është sesi ta shmangim zonën e errët, por si ta menaxhojmë, pasi e menaxhojmë ajo bëhet pjesë natyrale e jetës suaj. Nuk është destinacioni ai që na jep kënaqësi, por udhëtimi. Udhëtimi jonë fillon me një shpresë, me një ide. Kjo ndodh në atë moment kur ti vjen në zgjimin tënd koshientë dhe mban dietën tënde të subkoshiencës. Kjo realizohet duke kuptuar se ti ke në dorë mendimet e tua. Nuk ka asnjë mundësi tjetër sesa të menaxhosh mendjen tënde. Fillon me një ide dhe shkon tek momenti i zgjimit. Rruga juaj nuk do të jetë një trajektore të drejtë për të arritur në destinacion. Nga zgjimi tek destinacioni ju do të përballeni me zonën tuaj të errët. Ndonjëherë kjo ide edhe mund të vdesë, mjafton të takosh njeriun e gabuar, një psikovampirë. Nuk ka pse të jetë një person i keq, por mjafton që ju t’ja thoni këtë ide dhe ai t’ju thotë “Kjo s’bën, e ka provuar shoqja ime, vëllai im, s’bëhet”, kaq mjafton të të ikë energjia. Por kjo është diçka krejt normale, sepse ne mbajmë mend vetëm ndjesinë që na jep kjo zonë, por nuk mbajmë mend fuqinë që kjo zonë na jep. Nëse një problem i madh ka ardhur jetën tënde, mos u tremb sepse zgjidhja ka ardhur përpara problemit, por duket qenë se ne fokusohemi tek problemi, nuk shohim zgjidhjen. Duhet të jemi të qartë rreth idesë që kemi, ne jemi arkitekti i asaj që ndodh në mendjen tonë. Nuk ka rëndësi nëse qani, nëse luftoni, bëj çfarë të duash, aman dili për Zot asaj që ti ke në mendje. Mos u dorëzo, sepse kjo është ajo që do të të bëjë të triumfosh.

Në këtë modul do të flasim sesa e rëndësishme është që të drejtojmë mendimet tona në drejtimin e duhur, në mënyrë që kur të dalim përpara një disfate, të jemi të përgatitur. Gjëja e parë është që të identifikosh mendimet kryesore që ke. Nëse keni ndonjë mendim që po të shterron, po të konsumon energjitë, duhet ta nxirrni jashtë. Duhet të jeni të kujdesshëm, sepse këto mendime shndërrohen në fjalë dhe po e the kalon në sjellje. Si ne mundemi të heqim një mendim të vjetër dhe të fus një të ri brenda? Si ia dalim ne? Duke orientuar mendimet në drejtimin e duhur. Fillimisht edhe mund ta manipulojmë situatën me disa rrethana, p.sh të ndjekësh një seminar, të lexosh një libër ose të shoqërohesh me njerëz që të ndihmojnë. Duhet të jesh konsistent, sepse ajo gjëja nuk vjen me një seminar, apo një udhëtim apo një libër, por vjen duke qenë këmbngulës dhe sado e fortë të jetë pengesa, duhet të thuash “Unë do ja dal”. Duhet të matësh mendjen tënde, nëse një bisedë negative, një lajm i keq të trazon mendjen tënde dhe futet në subkoshiencë, duhet ta shmangësh, pasi të shkakton një lloj trazire brenda vetes. Pasi e ke bërë këtë, bëj kujdes se me kë e rrethon veten, sepse ka njerëz që të pengojnë dhe të mbajnë peng, apo nuk të japin frymëzimin e duhur. Është një thënie që që thotë “Ti je mesatarja e pesë personave që rri”. Diçka tjetër që ne mendojmë është se ky është rrethi im, jam kjo që jam, ky është fati im. Lajmi i mirë është se ne mund ta përcakojmë fatin tonë. Janë tre hapa që njerëzit përcaktojnë fatin e tyre. E para është genet dhe më pas vjen mjedisi që na rrethon dhe kur arrijmë në një fazë madhore, kuptojmë se këto dy hallka mund t’i përmbysim. Në momentin që ne fillojmë bëjmë pyetje “A është Ok” dhe nuk e marrim të mirëqenë është momenti që ti merr fuqinë në duart e tua, ke të drejta për të ndryshuar gjithçka që është ruajtur në subkoshiencën tënde. Atëherë ti kupton se ti nuk je pasagjer në jetën tënde por je shoferi.

A e dini se cila është aftësia më e madhe që ne si qenie njerëzore kemi? Nuk ka përgjigje të saktë apo të gabuar, por sipas shumë studimeve potenciali më i madh që ne kemi është për të qenë të aftë për të dalluar aftësitë, potencialet tona. Nuk është se ju nuk e keni, aftësia qëndron tek aftësia që keni për ta parë potencialin që keni. A e dini se ju brenda keni një potencial dhe a e keni parë këtë potencial. A ju ka ndodhur që dikush ka pasur tek ju një potencial, që ju nuk e keni parë? Nuk është e rëndësishme vetëm ta zbuloni këtë potencial, por edhe ta karikoni. Në momentin që ju e keni kaluar këtë fazë, ju duhet ta pranoni me autoritet që ju jeni pronari i kësaj dhurate që keni brenda. Ka raste që dikush na ndihmon ta zbulojmë, por ne nuk marrim pronësinë. Idea nuk është asgjë, vlerë ka ai që i del për Zot kësaj ideje. E njëjta gjë ndodh edhe me potencialin tënd. Më pas e ke për detyrë të kujdesesh për të. Fillimisht duhet të shprehësh mirënjohje dhe sa më shumë ta përdorësh atë potencial, aq më shumë do të marrësh ndihmë. Nuk duhet ta shikosh nga jashtë si një panoramë, jo, duhet të dalësh, të rrëzohesh, të rritesh dhe të mos ndalosh. Këtu fillon dhe kurajo, guximi. Nuk mund të guxosh nëse nuk ke frikë, dhe frika është thikë me dy presa. Ndonjëherë frika na inkurajon për të marrë guximin. Ndaj është e rëndësishme që pasi të zbulosh potencialin brenda vetes, të marrësh risqe për sipër dhe të guxosh. Për çfarë duhet të rrezikosh gjithë potencialin tënd se ke frikë? Edhe po ndodhi pse të kesh frikë dy herë? Përballu kur të ndodhë, kapërceje dhe fito mbi të. Kur përballesh me frikëra, je gati të mos e lësh në mes atë që ke nisur, sepse nëse ndodh, quhet tradhti dhe nuk ka tradhti më të madhe sesa tradhtia ndaj vetes. Duhet t’i rrish besnik potencialit brenda vetes dhe kjo të jep liri sepse ti kupton që ia ke dhënë lejen vetes.

Në këtë modul do të mësojmë sesi të zhbllokojmë pengesat e vogla të mendjes sonë. Pasi kemi mësuar, kemi bërë të gjitha përpjekjet e duhura, vijmë në një fazë që gjërat duhet të rrjedhin. Duhet të çlirosh veten nga barra që nuk ke pse t’i mbash. Sigurisht që ka dhe një farë përgjegjësie, sepse ti sheh përpara vetes një galaktikë të madhe, por ka mënyrë që mund të të bëjnë të ndjehesh e relaksuar. Gjëja e parë e rëndësishme është që të fillojmë të kuptojmë se kemi aftësinë për të ndryshuar besimet tona, kryesisht ato besime që na bllokojnë dhe na rëndojnë. A janë këto besime të vlefshme, a të ndihmojnë ty të ecësh përpara? Teksa ti merr këtë vendim dhe kupton se është shumë e rëndësishme që të marrësh njohuri sesi të shkosh tek një besim i ri, dhe si e bën këtë? Lexo çdo ditë! Asnjëherë nuk është vonë për të marrë një vendim dhe për të bërë çfarë të do zemra. Dhe krejt papritur ti sheh se je një person i ri. Bashkë me ndryshimet që sheh tek vetja, nis dhe disiplinon veten. Kur e sheh se funksionin, merr më shumë kurajo, nis bëhesh më ambicioz, kërkon gjëra të reja. Teksa e keni nisur këtë rrugëtim është shumë e rëndësishme që mos të ndaloni, të gjeni bashkëudhëtarët e duhur, që ndani të njëjtin vizion. Ne si qenie njerëzore duhet të jemi të përmbushur në jetë, të japim kontributin tonë dhe po lëmë diçka trashëgimi për brezat e rinj.

Të gjithë ne duam të bëjmë para, por çështja është si t’i bëjmë ato në mënyrën e duhur. Ndonjëherë ne besojmë se para bën kur punon shumë, studion shumë, por bota ka shpikur mënyrën që ne të punojmë në mënyrë të zgjuar. Qenia njerëzore nuk ka limit, kështu që sa më lartë të shkojmë, aq më shumë ka për të eksploruar. E para duhet të kuptojmë që nëse je njeri i shëndetshëm e ke për detyrë që ti të fillosh të mendosh sesi ta kthesh qenien tënde në aftësinë për të bërë para, kjo është një detyrë. Një nga besimet që duhet t’i thyejmë është që paratë nuk na duhen, paratë janë të pista. Kështu duke krijuar një buxhet, do të kemi aftësinë për të investuar edhe për ata që nuk e kanë mundësinë. Ne kemi krijuar një perceptim që për të filluar një biznes, duhen shumë para. Në fakt një biznes mund të niset edhe me pak para, ose jo me paratë e tua. Ti mund të gjesh një strategji se ku të gjesh financimet për të hapur një biznes. Në fillim vizualizo atë që ke në mendje dhe shiko sesi do të duket iniciativa e madhe që ke në mendje. Sikur paraja mos të ishte problem, sa ndikim pozitiv do të kishte kjo në jetën tënde? Secili prej nesh ka një bankë, një bankë mendore dhe sa herë që duhen lekët përpunojeni në mendje dhe nuk ke nevojë të kërkoni lekët jashtë, është brenda jush. Në momentin që rrisni besimin dhe vizionin tuaj, atëherë çdo gjë fillon të marrë formën e duhur. Imagjinoni si do të ishte jeta juaj, kur ju t’i keni vënë të gjitha në vendin e duhur. Pastaj ndërmerrni veprimet e duhura për të arritur ku doni. Nëse doni të krijoni diçka afatgjatë, duhet të ketë transaksione, dhe në një transaksione duhet të fitojnë të dyja palët. Mund të fillosh me ato që ke, sepse ke investuar mjaftueshëm në kualifikimet e tua, në përvojat e tua, sepse gjithçka që ke kaluar të shndërrohet në para. Duhet të mësosh se gjithë kjo gjë, mund të të kthehet në një vlerë monetare. Gjëja e parë, pasi ta kesh mbaruar këtë kurs, është të fillosh të reflektosh se cilat janë resurset e mia, a lidhen këto me ëndrrat që unë kam dashur të bëj. Nëse përgjigja është po, ju sapo keni filluar një rrugëtim të ri që është i mbushur me sukses që do t’ju ndihmojë të përmbusheni ju dhe njerëzit rreth jush. Kjo është ajo që ne duhet të mësojmë në jetë, çdo gjë që kemi investuar në jetë, do të kthehet në vlerë monetare.