7 Leksione si të gjeni qëllimin e jetës dhe të arrini potencialin maksimal

Në këtë kurs do të mësoni sesi të gjeni qëllimet në jetën tuaj. Mënyra e parë është që ju të identifikoni dëshirat tuaja. Gjëja e parë është që të dëshirojmë më shumë, ta kthejmë dëshirën në një zjarr dhe mos të heqim dorë. Pastaj kalojmë tek hapi i dytë që është Besimi. Pasi kjo dëshirë kthehet në besim, do të kuptoni se gjithçka do të bëhet më e lehtë. Teksa ti e rrit këtë besim akoma më shumë, e sheh që ti i je afruar qëllimit, por do të kaloni nëpër një fazë tjetër, ku njerëzit do të duan t’ju pengojnë, sepse ti po shkëputesh nga ta. Prandaj është shumë e rëndësishme të gjesh njerëzit e duhur. Rrugës për të gjetur qëllimet tuaja do të ndeshni edhe ata që quhet zona e errët. Është e domosdoshme që të kaloni nëpërmjet kësaj zone, por mos u dorëzoni, sepse aty është drita, pak pa mbërritur. Në momentin që do t’i përjetoni këto, shumë gjëra që përpara nuk kishin kuptim në jetën tuaj, tani do të bëjnë kuptim.

Ky kurs është edhe më i rëndësishmi, sepse ka të bëjë me mendjen. Çdo gjë fillon nga mendja dhe çdo gjë është e mundur në momentin që aktivizojmë fuqinë e mendjes. Ne kemi një fuqi mendore të pakufijshme dhe në këtë modul ju do të kuptoni që kur të hapni derën e mendjes suaj, gjërat fillojnë ndryshojnë jashtë jush. Çdo gjë është shkak dhe pasojë dhe kjo lidhet konkretisht me mendjen, mendja është shaku. Imagjino një mendim që shkon drejt e në rrënjë, pra nëse doni diçka dhe doni ta arrini, duhet ta aktivizoni atë mendim. Le të ndalemi pak tek subkoshienca, 90 përqind e mendjes është në errësirë, vetëm 10 përqind është koshiencë. Ndryshimi më i madh është që ky 10 përqindshi është gjatë gjithë kohës duke bërë të njëjtën gjë. Ne në fakt i marrim vendimet nga subkoshienca, jo nga koshienca. Si mund të filloni të bëni aleanca me subkoshiencën tuaj, duke e ditur që fuqia është aty? Në fakt për të ndryshuar jetën tuaj, duhet të veproni me subkoshiencën tuaj. Fillimisht duhet të merrni një vendim me pjesën koshiente të mendjes dhe pastaj ta fusni tek pjesa subkoshiente, gjasat janë që subkoshienca mos ta pranojë. Gjëja më e rëndësishme është që ju duhet të jeni të vetëdijshëm për mendimet që fusni në mendjen tuaj. Ndaj fushata juaj do të jetë të atraktoni mendime pozitive në mendjen tuaj dhe t’i përsërisni.

Në këtë modul do të flasim për mendjen kreative. Duhet të gjejmë mënyrën që mendjen individuale ta përshtasin me mendjen universal. Shpesh jemi të turbull, se çfarë duam, ku duam të shkojmë. Ndoshta mendja kreative është komplet në gjumë, por si ta zgjojmë, sepse na duhet? Mënyra më e mirë që duhet të ndiqni për të prekur fuqinë e mendjes kreative, janë shtatë hapa për të ndjekur. Gjëja e parë është që ju duhet të ndryshoni rutinën tuaj, pyesni veten se çfarë bëni gjatë ditës. Kur të zgjoheni në mëngjes, duhet të keni një plan se çfarë do të bëni sot, mos dilni pa plan. Teksa filloni të ndryshoni rutinën, një gjë që do t’ju ndihmojë është meditimi. Më vonë filloni të mbani një ditar për gjërat që bëni gjatë ditës. Dhe të nesërmen përpiquni që t’i rishikoni dhe t’i largoni gjërat e padobishme. Mirë është që të vësh një target dhe të thuash brenda një jave do ta ndryshojë 3-4 elemente të ditës, me disa të tjera që më kthjellojnë më shumë mendjen. Duhet të vendosësh afate, duke disiplinuar veten për çdo gjë që bëni. Në këtë mënyrë lejoni gjëra të reja që t’ju vijnë. Përpiquni që të lini të shkuarën jashtë, sepse na bllokon. Ndonjëherë mënyra më e mirë është të ndryshojmë mjedisin, prandaj duhet të pyesni veten ku duhet ta vendos veten që mos të infektohem nga e shkuara.

Në këtë modul do të flasim për brandin tuaj personal. Në rritjen tuaj personale, shpirtërore shumë gjëra do të hapen në një mënyrë komplet të papritur. Është shumë e rëndësishme që ju të vazhdoni të rriteni, duhet të zhvilloni brandin tuaj për të arritur rezultate jo vetëm të brendshme, por edhe të jashtme. Por përpara është shumë e rëndësishme që të dini se kush jeni. Pa e ditur se kush jeni, nuk jeni në gjendje të dilni përpara të tjerëve me një realitet që ju keni ëndërruar. Gjeni të gjitha talented, pasionet, ëndrrat. Bëni një skicë, hidhini në letër, shkruani në një letër të gjitha cilësitë tuaja. Ndonjëherë duhet të gërmojmë edhe rreth vetes. Në momentin që ju e keni një ide të qartë se kush jeni dhe ku doni të shkoni, atëherë gjëja tjetër që është shumë e rëndësishme është që të kuptoni se për çfarë duhet të njiheni në botë. Pas analizës së vetes, duhet të analizoni se çfarë doni që bota të njoh tek ju. Është shumë e rëndësishme që ju e specifikoni veten tek një gjë dhe kanalizoni talentet e tjera tek kjo specifikë. Është e rëndësishme që ju të identifikoni audiencën tuaj, sepse realisht pasi e keni vendosur se për çfarë doni të bëheni të njohur, duhet të dini se kë doni të targetoni. Pas kësaj iu duhet shumë që të takoni sa më shumë njerëz, ata të flasin për ju. Nëse ju duni vërtet të zhvilloheni, mirë është që të keni ëebsite tuaj. Aty do të fokusoheni të paraqisni punën tuaj, pasionet tuaja. E rëndësishme është që të dërgoni email tek të gjithë fansat tuaj, tek njerëzit që ju ndjekin. Duhet të zhvilloni aftësitë në të folurën në publikë, pasi është një fuqi madhore. E rëndësishme është që të krijoni vizibilitet, shfrytëzoni çdo hapësirë në television, gazetë, në çdo media, nëse kjo nuk është e mundur dilni në rrjetet sociale. Filloni të shkruani një libër, nuk është aq e vështirë sa duket. Mund të shkruani një libër në 48 orë. Dhe gjëja e fundit është që duhet të jeni consistent, nuk mjafton t’i bëni vetëm një herë, por çdo ditë duhet të keni diçka strategjike.

Si të rrisni konfidencën dhe vizibilitetin tuaj Në këtë modul do të flasim për konfidencën dhe sa e rëndësishme është të investoni në rritjen e saj. Pavarësisht se sa talent keni, sa aftësi keni, nëse ju nuk keni konfidencën, ju nuk do të performoni në rezultatet e duhur. Do të diskutojmë për mënyrat sesi të rrisim konfidencën tuaj. Gjëja e parë është që të evitoni janë zërat e vegjël që ju flasin gjatë gjithë kohës. Duhet ta lejoni veten që të bëjë gabime, ndaloni së kritikuari veten tuaj me ato zërat e brendshme, sepse ju jep mundësinë të mësoni më shumë. Shpeshherë ne jemi ata që i vendosim kufijtë vetes. Marrëdhënia që krijon me veten për ta pranuar gabimin të ndihmon shumë në rritjen e konfidencës. Duhet të lejoni veten që të marrë vendimet për ju. Duhet t’i besoni vetes për vendime ose veprimet që merrni. Nëse nuk kemi konfidencë do të thotë që nuk jemi të aftë për të parë rezultatet e duhura dhe nëse nuk shohim rezultatet e duhura ne humbin besimin tek vetja. Prandaj teksa shkoni drejt këtij procesi, duhet të vini në një moment që të përballeni me frikërat. Kjo është një arsye përse njerëzit kanë konfidencë të ulët. Si qenie njerëzore jemi të destinuar të kemi frikëra. Shpesh herë kemi frikë nga gjëra që kurrë nuk kanë për të ndodhur. Edhe nëse je duke pasur frikë, është ok, duhet ta pranosh dhe të përballesh me të, duhet t’i jepni vetes shanse të dyta. Çdo gjë vjen me praktikë, nuk vjen brenda ditës. Edhe nëse jeni duke bërë të pamundur për të progresuar, por ndjeheni se akoma nuk jeni aty ku duhet, nuk ka asnjë gabim të kërkoni ndihmë. Shpesh herë ne jemi edukuar me kulturën që askush nuk të ndihmon, por duhet provuar, sepse mund të kesh njerëz në mjedisin tënd që janë dashamirës dhe kanë dëshirë të të ndihmojnë. Gjatë gjithë kohës jepi veten shansin për ta provuar përsëri dhe për të kërkuar ndihmë. Teksa jeni në këtë proces zhvillimi, investo tek zhvillimi juaj personal. Sa më shumë të investoni, aq më shumë do të zbuloni kapacitete që më parë nuk i keni ditur, për t’ju dhënë dritën brenda jush. Kjo dritë mund të jetë guida juaj për të gjetur veten tuaj, që qëndron mbi ty. Do thoni ju si të investoj, ka mënyra pa fund. Mund të lexoni libra, të ndiqni trajnime. Kam përshtypjen se ky kurs do t’ju shërbej për të hapur dritare të reja, por nuk mjafton. Është si ushqim, edhe mendja ka nevojë të ushqehet përditë, ushqimi është informacioni që ne fusim në mendjen tonë dhe të gjitha këto ndikojnë në konfidencën tonë. Nëse nuk bëni diçka për të rritur konfidencën tuaj, do të jetë për të ardhur keq, sepse ju jeni duke fshehur gjëra aq të bukura brenda jush që ndoshta mungesa e konfidencën po ju pengon të nxirrni në pah.

Mësoni si ta transformoni dhimbjen e shkuar në nje histori suksesi Në këtë modul do të flasim sesi ju ta ktheni çdo dhimbje në sukses, çdo ngjarje të tmerrshme, si ta merrni atë event të jetës suaj dhe ta ktheni në sukses. Ka gjithmonë një dritë të fund të tunelit dhe ajo drita do t’ju ndjekë gjatë gjithë kohës. Mos i shihni gjithmonë gjërat e dhimbshme të jetës suaj, vetëm si e keqe, sepse ato kanë edhe gjërat e mira. Hapi i pare është që ju duhet ta pranoni atë që do të vijë. Sa më shumë e vononi pjesën e pranimit, aq më keq do të bëhet situata. Pranoje, ulu aty, qaj, ulërit, bërtit, lëre të përshkrojë gjithë qënien dhe ringriu. Duhet të fillosh të rindërtosh besimin, disa njerëz besojnë se nëse ndodh një gjë e keqe, hapi derën, jo mbyllja derën. Ajo ka ndodhur njëherë, nuk ka për të ndodhur prapë. E shkuara nuk ka për të qenë zgjatim i së ardhmes. Hapi i tretë është që të krijosh aftësi të reja sesi t’i përballosh gjërat që po ndodhin, dhe teksa bën këtë duhet të përshtatesh me rrethanat, sepse ti duhet të jesh përgjegjës për jetën tënde, askush tjetër nuk mund të të ndihmojë, nëse nuk ndihmon veten. Nëse doni ta keni sa më të lehtë këtë shërim, duhet të lidheni me dritën tuaj të brendshme. Nëse nuk e bëni dot këtë, do të kërkoni zgjidhje nga jashtë dhe zgjidhja nuk ka për t’ju ardhur. Fokusohuni tek drita juaj e brendshme, lidhuni me këtë qendër, do të filloni të shihni ndryshime të vogla dhe në këtë moment ju duhet të filloni të aplikoni mirënjohjen. Çdo mëngjes duhet të jeni mirënjohës për jetën tuaj. Fokusohuni tek ato gjëra që krijojnë progres në jetën tuaj.

Përgatite veten për një transformim dhe për të jetuar jetën që meriton Mirë se keni ardhur në modulin e fundit. Ju ia keni dal, i keni bërë të gjitha modulet dhe ja ku jemi në modulin e fundit që ju të filloni dhe jo të mendoheni a jam apo s’jam gati. Ky modul është gjithçka që ju duhet për të marrë veten për dore dhe të niseni në një udhëtim të ri. Shpesh herë njerëzit kanë frikë nga ky proces transformimi, ndaj është e rëndësishme ta përgatisni veten. Ndryshimi nuk duhet të vijë brenda natës, por ju duhet t’ja jepni vetes kohën që të përgatiten që kur gjërat të vijnë tek ju, të jeni në gjendje të shkoni për atje ku jeni nisur. Gjëja e parë që do t’ju rekomandoja është që të bëni plane sesi të shkëputeni nga e shkuara. Nëse ju bëni koshientë që e shkuara është e shkuar, duhet të punoni me veten sesi mos të jeni peng i saj. Duhet të ndërmerrni disa veprime, sepse teksa punoni me zhvillimin tuaj personal, duhet edhe të ndërmerrni hapa të vegjël, që mos t’ju bllokojnë frikërat. Filloni mbani shënime me gjërat që keni bërë përditë, për gjërat e reja që bëni. Teksa mbani shënime, këto gjëra ju duken familjare. Filloni të eksploroni se çfarë kanë bërë njerëzit si puna juaj, që kanë arritur aty ku ju doni të shkoni. Çfarë kanë bërë ata më shumë, që ju akoma se keni bërë, ndiqni çfarë bëjnë në rrjetet sociale, si pozicionohen, çfarë projektesh janë duke marrë. Nëse ju keni mundësinë që ju t’i takoni njerëzit që janë frymëzim, kjo është shumë e rëndësishme, pasi është më mirë të mësojmë nga gabimet e të tjerëve, sesa nga gabimet tona. Teksa bëni këto, është gjithashtu e rëndësishme të dilni nga zona juaj e rehatisë. Shoh njerëz që e nisin ditën njësoj dhe gjithçka bëhet shumë rutinë. Merr iniciativë, bë gjëra të reja, thyej rutinën. Sapo del nga kjo zonë do fillosh të shikosh sesi gjërat ndryshojnë rreth teje, ndoshta janë të njëjtat gjëra, por ti me mendësinë tënde i sheh ndryshe. Dhe ti duhet ta lejosh ndryshimin të vijë tek ti. Shpesh herë njerëzit kanë frikë ta thyejnë rutinën e tyre, ndaj është e rëndësishme të krijoni zakone të reja, duke përqafuar ndryshimet, duke kapërcyer frikërat për të shkuar në një zonë tjetër. Teksa ju keni filluar të bëni këtë progres dhe njerëzit e vënë re, këto janë shenja që ti e ke kapërcyer frikën tëndë. Dhe në fund gjëja më e rëndësishme; Mos ndaloni në investim! Nuk duhet të dorëzoheni për t’u rikthyer në zakonet e vjetra. Po e nise këtë udhëtim, nuk duhet të ndalosh derisa të kesh arritur në një stad që të jep kënaqësinë e madhe për të kuptuar se nuk ka fund. Aty është dëshira e zjarrtë ku ti ndihesh gati se gjithçka është e mundur. Në atë moment e ke kuptuar se e zbuluar qëllimin tuaj të jetës. Atëherë vijnë ëndrrat ju gjejnë ju, nuk keni më nevojë t’i ndiqni.